“SHBA i heq nga dosja hetimore”/ Manjani shpërthen ndaj SPAK: Përdorimi i përgjimeve të…

Po ashtu ai thekson në postimin e tij, se përdorimi i këtyre përgjimeve si provë e vetme nga SPAK, është e paligjshme dhe kriminale.

Po ashtu ai shkruan se në përëndim situata ka ndryshuar pas vendimit të GJED, por SPAK nuk ka reflektuar dhe vijon presionin për gjykatat.

Postimi i plotë nga Ylli Manjani:

“Gjithnjë në kuadër të ftesës publike, përveç asaj gjyqësorë, që zoti Altin Dumani na ka bërë, po sjellim në vemendje këtë lajm nga Amerika. Drejtësia Amerikane NUK I PËRDOR DOT SI PROVA të dhënat e SKY ECC.

Janë të dhëna që nuk dihet si janë marrë dhe të pa çertifikuara si të vërteta. Totalisht të papërdorshme. Të pamjaftueshme po e po. Prokurorët Amerikanë i kanë hequr nga dosja hetimore ndaj një trafikanti nga Mali i Zi, i cili akuzohet për 17 tonë drogë.

Është nga Amerika, për të cilën japin edhe jetën prokurorët e SPAK. Edhe ne modestët këtu, kaq kemi kërkuar e kërkojmë tash 2 vjet e kusur. Hiqini nga dosjet ato të dhëna sepse nuk janë prova. Mbajini në zyrat tuaja, ruajini mirë madje e jo t’ja jepni mediave. Por në sallën e gjyqit nuk vini dot me to.

Sepse:

1. Përgjimet masive nuk janë prova gjyqsore,

2. Përgjimet e një shteti tjetër, pa njoftuar më parë shtetin përkatës, nuk vlejnë ligjërisht për shtetin pritës,

3. Ato të dhëna nuk shoqërohen me çertifikatë legale dekriptimi,

4. Janë të dhëna vërtetësia e të cilave është e dyshimtë sepse janë përpunuar nga kushdo që ka futur duart aty,

5. Janë transmetuar me CD pas përpunimit nga shërbimet policore dhe EUROPOL e EUROJUST, të cilar nuk njihen si instrumenta komunikimi ndërgjyqsor,

6. Nuk provojnë përtej dyshimit të arsyeshëm se ato të dhëna i përkasin përdoruesve të vendosur arbitrarisht nën arrest e më tej në akuzë.

7. Ashtu të palidhura me prova të tjera janë të pamjaftueshme për të ndërtuar akuzë sipas proçesit të rregullt ligjor.

E gjithë drejtësia perëndimore, tashmë edhe Amerika, gjykon dhe vendos në këto terma për SKY ECC dhe jo me indimidim të gjykatësve që të vendosin si do SPAK-u!

E kuptoj se pa SKY ECC, SPAK nuk do kishte lajme për të shitur, por sot e gjith ditën përdorimi i tyre, aq më tepër si provë e vetme është I PALIGJISHËM, madje kriminal.

Të mos na dëgjojnë ne, ska problem! Por të shohin kolegët e tyre në perëndim. Ja kaq. E kanë tashmë edhe nha Amerika që e duan fort këtë gjë!

Gjithnjë në kuadër të ftesës publike që na është bërë për të sjellë raste nga perëndimi.

Madje në atë fillim, prokurorët thoshin në gjyq, “sot për sot kështu është situata ligjore në perëndim, kur të ndryshojë këtu jemi flasim prap..”

E pra situata në perëndim ndryshoi që vjet në Shkurt, me vendimin e GJED. Por SPAK nuk ka ndryshuar asgjë. Vetëm ka shtuar presionin gjykatave.

Kjo sjellje vetëm proçes i rregullt ligjor e kushtetues nuk quhet. Proçes për drejtësinë popullore komunistë po… por edhe aty gënjehet pa fund…“, shkruan Manjani.