“Ne e mbështesim Bashkinë që të bëjë më të mirën për buxhetin dhe për këtë arsye menduam për Ogertën si drejtuese politike të qarkut, por edhe si deputete të Tiranës,” – deklaroi Rama.
Kjo lëvizje shihet si një ripozicionim strategjik brenda Partisë Socialiste pas krizës politike që shoqëroi procesin e fundit zgjedhor në kryeqytet.
Manastirliu, e cila më parë u përfol si kandidate për Bashkinë e Tiranës, nuk arriti të garojë për shkak të pezullimit të zgjedhjeve nga Gjykata Kushtetuese. Me vendimin e sotëm, ajo merr në dorë një nga detyrat më të rëndësishme politike në strukturën e PS-së.
Burime pranë selisë rozë theksojnë se Rama e sheh Manastirliun si një figurë me profil të qetë, institucional dhe bashkëpunues, të aftë për të ruajtur balancat mes pushtetit qendror dhe atij vendor në Tiranë — veçanërisht në raport me Veliajn, pas tensioneve që u shfaqën gjatë garës së brendshme.
Me këtë emërim, Ogerta Manastirliu vijon të mbajë një rol të dyfishtë: si deputete e Kuvendit dhe si përfaqësuese politike e qarkut kryesor të vendit, duke u bërë një nga figurat kryesore të mazhorancës në fazën e re të riorganizimit politik të Partisë Socialiste.
Be First to Comment