Diva, i cili përballet me akuza të rënda për vrasje dhe sigurim kushtesh për vrasje, akuzoi drejtpërdrejt emisionin “Top Channel” se e kishte paraqitur si “vrasës me pagesë”. Ai theksoi se kjo është e padrejtë dhe shkel parimin e prezumimit të pafajësisë, duke qenë se procesi gjyqësor ndaj tij është ende në zhvillim e sipër dhe nuk ka një vendim përfundimtar. “Kam një kërkesë për Top Channel që ka dhënë një emision dje, duke më nxjerrë si vrasës me pagesë, dhe nuk ka të drejtë një media të japë materiale të tilla kur prezumohem i pafajshëm, unë jam ku jam në gjykim, s’jam dënuar,” deklaroi ai.
Në vijim të reagimit të tij, Diva ngriti dyshime të rënda, duke implikuar edhe institucionet shtetërore. “Apo e keni shitur materialin, se Top Channel, Edi Rama e SPAK-u bashkë janë,” shtoi ai me tone të forta. Kjo deklaratë, që nënkupton një bashkëpunim të dyshimtë mes medias dhe drejtësisë, ngre pyetje për presionin që mund të ushtrohet mbi të pandehurit dhe ndikimin e medias në perceptimin e publikut përpara dhënies së një vendimi gjyqësor.
Pavarësisht shpërthimit, seanca u mbyll dhe çështja do të vazhdojë të shqyrtohet në datën e caktuar. Mbetet për t’u parë nëse avokatët e Divës do të ndjekin një ankesë zyrtare për mbulimin mediatik, siç u kërkua nga klienti i tyre.
Be First to Comment