Tronditen emigrantet shqiptare, thirrje për revokimin e pasaportave

Kërkesa Për Revokimin e Pasaportave

Politikanët e Unionit kanë shprehur shqetësimin se shtetësia gjermane po konsiderohet si një përfitim dhe jo si një përkushtim ndaj vlerave.

Deputeti i CSU-së në Buindesdag, Stefan Mayer, deklaroi për gazetën Bild se është e nevojshme një “reformë themelore e ligjit të shtetësisë”. Kërkesa e tij më e fortë ishte:

“Banditëve, kriminelëve të rëndë, armiqve të kushtetutës, antisemitëve dhe urrejtësve të gjermanëve” t’u hiqet nënshtetësia nëse kanë dy pasaporta.

Ai theksoi se: “Ne nuk mund t’u japim njerëzve privilegjin e nënshtetësisë dhe pastaj ata të shkelin mbi vlerat tona dhe mbi ne.”

Shtetësia e Dyfishtë: Përjashtim Apo Rregull?

Unioni CDU/CSU kërkon që të rishikohet tërësisht qasja ndaj shtetësisë së dyfishtë, e cila, sipas tyre, duhet të jetë një përjashtim, jo rregull.

Politikanja e CDU-së, Cornell Babendererde, ngriti pyetjen e motivimit: “Nëse 80 përqind e atyre që morën shtetësinë në vitin 2023 duan të mbajnë edhe pasaportën e tyre të mëparshme… A nuk mjafton dashuria, identifikimi me vendin tonë në fund të fundit, apo kjo bëhet më shumë për ruajtjen e përfitimeve të garantuara nga një pasaportë gjermane?”

Të Dhënat e Shtetësisë:

• Në vitin 2024, rreth 292,000 persona morën shtetësinë gjermane, duke shënuar një rekord të ri (+46% krahasuar me vitin e kaluar).
• Nga këta, 28% janë me origjinë nga Siria.
• Në vitin 2023, 80.9% e atyre që morën shtetësinë gjermane ruajtën edhe pasaportën e tyre të mëparshme.

Qëndrimet Kundër Dhe Vështirësitë Politike

Për të ndryshuar ligjin aktual kërkohet shumica e votave në Bundestag, duke përfshirë Partinë Socialdemokrate (SPD), e cila është aktualisht në qeveri.

• Qëndrimi i SPD-së: Partia Socialdemokrate ka kundërshtuar deri tani kërkesat për heqjen e dyshtetësisë apo shumështetësisë.
• Pengesat Ligjore: Për shkak se CDU/CSU është në opozitë, ndryshimi i ligjit kërkon bindjen e deputetëve të SPD-së, gjë që nuk është arritur deri më tani.

Kujtohet se para pak kohësh, një tjetër reformë, ajo për heqjen e mundësisë së marrjes së shtetësisë gjermane me procedurë të përshpejtuar brenda tre vitesh për “personat e integruar mirë”, u anulua.

Këto kërkesa të reja të Unionit sinjalizojnë një presion në rritje ndaj qeverisë për të vendosur kritere më strikte lidhur me përfitimin e shtetësisë gjermane.