Pas publikimeve në media se ndaj Belinda Ballukut janë vendosur dy masa sigurie – pezullimi nga detyra dhe ndalimi i daljes jashtë shtetit – Gjykata e Posaçme (GJKKO) ka dalë me një reagim të menjëhershëm, por të pazakontë në ton dhe përmbajtje. Zëdhënësja e institucionit njoftoi se masa ka karakter sekret dhe se gjykata nuk ka informacion për të komunikuar në këtë fazë të procedurës.
Kjo lëvizje shton akoma më shumë dyshimet për një strategji të koordinuar në nivele të larta, me qëllim që qeveria të fitojë kohë ndërsa shqyrtohet goditja ndaj numrit dy të ekzekutivit.
Deklarata e GJKKO-së: “Në momentin e duhur procedurial do të njoftoheni”
Në njoftimin zyrtar drejtuar gazetarëve, Gjykata e Posaçme deklaroi:
“Në lidhje me lajmin e publikuar mbi caktimin e masave të sigurisë ndaj Zv/kryeministres Belinda Balluku, duke qenë se këto masa kanë karakter sekret, gjykata në këtë fazë nuk ka informacion për t’i komunikuar medias dhe publikut. Në momentin e duhur procedurial do të njoftoheni zyrtarisht!”
Ky është një formulim i rrallë. Normalisht, masat e sigurimit – sidomos kur bëhet fjalë për figura të nivelit të lartë – publikohen menjëherë, siç ka ndodhur me ministra, ish-ministra, deputetë dhe drejtues të institucioneve të ngjashme.
Pikërisht kjo heshtje formale ushqen spekulimet për:
presion politik,
negociata të padukshme,
përpjekje për të kontrolluar narrativën,
apo madje një skenar për të tërhequr vëmendjen nga goditja reale që ka marrë qeveria.
⚠️ Çfarë dihet deri tani?
Raportimet e ditës së enjte flasin për:
Pezullimin nga detyra të Belinda Ballukut
Ndalimin e daljes jashtë shtetit
Masën e vendosur nga gjyqtari Erion Çela
Kërkesën e ardhur nga prokurori Dritan Prençi
Hetim të nisur për shkelje të barazisë në tendera
Në kushtet kur këto lajme shpërthyen në të gjitha mediat, reagimi i menjëhershëm i GJKKO-së për “sekret” ngriti më shumë pikëpyetje sesa qartësi.
️♂️ **Pse sekrete masat?
Çfarë po fshihet?
Kush po e mbron Ballukun?**
Që nga momenti i daljes së lajmit, komentet në kuloarët politikë flasin për një shpërthim paniku në nivelet më të larta të qeverisë. Vetë Balluku dhe Edi Rama zhvilluan një takim maratonë 7-orësh në Kryeministri, ku më pas iu bashkua edhe Ulsi Manja – një nga njerëzit më të afërt me dosjet juridike të qeverisë.
Pikërisht ky takim ka ngritur alarmin se brenda qeverisë po kërkohet një zgjidhje politike, mediatike dhe komunikative për të minimizuar efektet e goditjes së SPAK-ut.
Ndërkohë, gjykata deklaron sekret.
Qeveria hesht.
Publiku pret.
Dhe prapaskena punon.
Loja sapo ka filluar
Me heshtjen e gjykatës, me tensionin e qeverisë, me takimet në mbrëmje dhe me deklaratat që vonohen, duket qartë se kjo çështje nuk është thjesht një procedurë penale.
Është një loje e madhe në prapaskenë, ku politika, drejtësia dhe interesi personal përplasen me forcë.
Gjykata thotë se do të flasë “në momentin e duhur procedurial”.
Qeveria nuk flet fare.
Ndërsa opinioni publik pyet njësoj:
A është ky fillimi i fundit për Belinda Ballukun?
Apo fillimi i një betejë të ashpër për ta shpëtuar atë?
Be First to Comment